Охрид и годинава е инспирација за младите уметници од светот кои учествуваат на 29-та традиционална ликовна колонија „Мал Битолски монмартр. Распослани по кејот на Охридското Езеро, Сараиште, покрај куќата на Робевци, Уранија, Св. Софија и Плаошник, младите уметници ги сликаа прекрасните пејзажи и културно – историското богатство на Балканскиот Ерусалим. Меѓу уметниците кои доаѓаат има и деца со хендикеп, кои воодушевуваат не само со својот талент, туку и со својот дух.
Прекрасниот Охрид во очите на младите уметници
Годинава на ликовната колонија „Мал Битолски монмартр“ учествуваат уметници од Русија, Белорусија, Албанија, Бугарија, Црна Гора, Украина, Србија, Велика Британија, Романија, Турција , Кина и од Македонија . Покрај во Битола тие ќе сликаат и во Охрид и Крушево.
фото: Емилио
