По катастрофалниот пожар кој до темели ги пеплоса конаците на манастирот Трескавец во близина на Прилеп, се уште се расчистуваат остатоците.


Со несебична помош на верниците и други помагатели, наскоро ќе започне обновувањето на опожарениот манастир.


За среќа од огнената стихија беше спасена вредната црква во ова значајно духовно светилиште, а на монахот Калист кој е старешина на манастирот Трескавец на помош му дојдоа жителите на Прилеп и околината, планинари и други добронамерници кои со раце ги расчистуваат последиците од пожарот поради непристапниот терен.


Помош најавија и општината Прилеп и државата, а конечно ќе биде изграден и пристапен пат до манастирот, кој е еден од најзначајните во земјата.

OhridNews
фото:Емилио