Хотелот „Ривиера“, кој беше еден од препознатливите белези на градот Охрид, веќе подолг временски период стои запуштен покрај кејот на езерото. Расфрлан отпад, превртени бетонски саксии се само дел од декорациите кои секојдневно ги гледаат не само охриѓани, туку и туристите кои доаѓаат во градот.
Хотелот, кој е во сопственост на „Комерцијална банка“, е стекнат во постапка на реализација на хипотека и се наоѓа на продажба. Дали овој објект ќе го снајде истата судбина како и хотелот „Палас“, ќе покаже времето.
О.Т
