Фото : Турнирот во Лерин ново искуство за “Фер Плеј“

Експедицијата на фудбалскиот клуб Фер Плеј четврти пат учествуваше на меѓународен турнир, “виолетовите“ по Крагујевац, Драч и Сараево го посетија градот Лерин, Грција. Во различни категории екипата на Фер Плеј се покажа во вистинско светло. На терените преовладуваше веселата атмосфера, дружбата со своите врсници и најава од клубовите дека овој турнир ќе прерасне во традиција.  

Генарацијата 1997/98 во првиот натпревар ремизираше со ПАС Флорина играјќи 2-2, во вториот меч претрпеа убедлив пораз 3-0 од екипата на Талент од Битола.

“Надежите“ на Фер Плеј,  генарацијата 2000-01 остварија еден триумф над врсниците од Талент 2-1 и еден минимален пораз од ПАС Флорина. “Цицибаните“ кои одиграа комбинаран натпревар со ПАС Флорина, имаа водсвто од 6-2 а на крајот од мечот забележаа пораз од 10-6.

– Дружењето на овие деца е бесценето, исходот од мечевите секогаш гo оставам во втор план. Приемот беше на високо ниво, условите за игра беа перфектни што резултираше со одлични натпревари. Се надевам дека ПАС Флорина и Талент ќе дојдат пролетоска во Охрид и да ја продолжиме оваа соработка помеѓу трите клуба – истакна тренерот на Фер Плeј, Игор Настоски.