На дел од улицата “Мите Богоески”, која се наоѓа зад општинската зграда, непреченото разминување на возилата е речиси невозможно поради израснатите трња и грмушки од еден од приватните дворови кои се протегаат на третина од улицата.
Дополнително просторот го стеснуваат и неправилно паркираните возила на тротоарот од спротивната страна, па со тоа не само што се доведува во опасност животот на возачите, туку и на пешачите кои се принудени да се движат на средина од улицата.
На сопственикот на имотот очигледно ваквиот неред не му пречи, но како што коментираат возачите би требало инспекциските служби да превземат мерки, затоа што поради непрегледноста, нарушена е безбедноста во одвивањето на сообраќајот на овој дел од улицата.
OhridNews
