Фото вест: За „онаа“ работа е, не за ѓубре !

Просторот во подножјето на Галичица, блиску до бензинската на Макпетрол, познат и како „кај паднатине“ децении наназад се злоупотребува од несовесни граѓани за фрлање ѓубре, шут, ислужен мебел и што не. Неколку пати е чистен просторот, но нема фајде – луѓето пак фрлаат. Можеби го користат фактот што навечер е прилично темно, а местото е блиску до градот. Токму затоа што е блиску и темно „на времето“ (па и сега) го користеа и младите љубовџии кога сакаа да бидат малку сами, претежно во коли. Оваа „информативна“ табла поставена од досетлив човек кажува за што местото треба да се користи. Не фрлајте ѓубре – водете љубов. Или така некако.