Подготовките на охридските атлетичари за новата сезона се во полн ек. Еден од најуспешните клубови во Охрид секоја сезона е во самиот врв, затоа подготовките ќе се потешки од самите натпревари.
– Секоја година се бориме за првите места во сите дисциплини кои се натпревруваме. Годинава ќе се фокусираме и на Куп натпреварите бидејќи и од таму сакаме да го извлечеме максимумот – рече тренерот на Атлетскиот клуб Охрид, Влатко Димитров.
Покрај настапите во националниот шампионат и купот охриѓани ќе имаат неколку интернационални ангажмани кои дополнително ќе ја кренат формата на атлетичарите.
Мх.П.
