Факултетот за туризам и угостителство од Охрид, денеска, ја промовираше новата генерација дипломирани студенти. На свеченоста што поради временските услови наместо на Плаошник, се одржа во амфитеатарот на факултетот, им беа врачени дипломи на околу 150 завршени студенти на сите насоки.
-Ова е 41 генерација на ФТУ Охрид и тие се иднината. Нашите студенти се конкурентни и се снаоѓаат на пазарот на трудот каде влијаат објективни и субјективни фактори. Објективните се дека постои рецесија, но добро е од друга страна што туризмот и услужните дејности во нашата земја одат во нагорна линија, а нашите студенти се најдобри во Македонија во секторот на туризам и угостителство што впрочем најдобро го покажуваат кадрите кои ги продуцираме на местата каде што работат, изјави деканот на ФТУ Охрид, проф. д-р Сашо Коруноски.
Во насока на промоција, исто така денеска , ФТУ Охрид во кафе барот „Ликвид“ организираше забава за сите матуранти од охридските средни училишта, на која настапи бендот „Геврек“.
–Целта е да се сретнат дипломираните и идните студенти и да разменат мислења, рече деканот Коруноски.
Факултетот за туризам и угостителство од Охрид е најстарата и најреномирана високообразовна институција во Македонија.
Горан Момироски
