Факултетот за туризам и угостителство – ФТУ Охрид, ќе воспостави научна соработка со Универзитетот во Лесковац – Србија. Делегација на Факултетот за туризам и угостителство од Охрид, предводена од деканот проф. Д-р Софронија Миладиноски, се наоѓа во посета на Универзитетот во Лесковац каде ќе биде потпишан Меморандум за соработка помеѓу овие две високообразовни институции.


ФТУ Охрид ја проширува научната дејност во Србија

Со меморандумот за соработка меѓу другото се предвидува можност студентите од Универзитетот во Лесковац со дополагање на потребните испити да се стекнат со диплома од охридскиот факултет која ќе биде нострифицирана. Со ова всушност ФТУ – Охрид ја проширува научната дејност во Србија, велат од управата на факултетот.

ohridnews