Фондот за здравствено осигурување на Македонија, со цел за обезбедување на поголема достапност на ортопедски и други помагала од списокот на ортопедски и други помагала за осигурениците на товар на Фондот, објави јавен повик за склучување договори со сите заинтересирани ортопедски куќи регистрирани за промет и производство на ортопедски и други помагала и здравствени установи – аптеки, кои се вклучени во мрежата според Уредбата за мрежа на здравствени установи.
Заинтересираните правни субјекти може да поднесат пријава за склучување договор, а потребната документација треба да е во писмена форма и да се достави во периодот од 07.09.2016 година до 21.09.2016 година до архивата на Фондот. Ортопедските куќи и здравствените установи–аптеки треба да исполнуваат соодветни услови и да ги имаат сите потребни документи и соодветни решенија од надлежните институции– Министерство за здравство и Агенција за лекови.
Овој оглас се однесува само за правни лица (ортопедски куќи и здравствени установи-аптеки) кои во мометот немаат активен договор за обезбедување на ортопедски и други помагала со Фондот. ФЗОМ ги повикува сите заинтересирани правни субјекти кои ги исполнуваат условите да ги достават потребните документи до архивата на Фондот.
OhridNews
