Фудбалерот на Јувентус, Карлос Тевез го нема на списокот фудбалери кои ќе настапуваат за Аргентина на Светското првенство во Бразил.
Изоставувањето на Тевез на првичниот список е вистинско изненадување бидејќи тој е предводник на „бјанко-нерите“ до титулата во Серија А, но поради лошите односи со селекторот засега го нема списокот фудбалери кои ќе бидат дел од Мундијалот.
Очекувано „гаучосите“ ги предводи Лионел Меси заедно со Гонзало Игуаин и Серхио Агуеро.
Селекторот Алесандро Забелја за аргентинските медиуми изјавил дека списокот не е конечен, што остава малку надеж дека Тевез ќе биде меѓу репрезентативците.
Аргентина е една од селекциите кои се фаворити за освојување на златниот медал од најголемото фудбалско натпреварување.
Мх.П.
