Дали некој ќе понесе одговорност за несовесното однесување на поедини луѓе? Дали некој ќе преземе нешто? Или ќе се продолжи со ова труење на народот и уништување на секој дел од Охрид само за да им се удоволи на шерифите во градот?, прашуваат од ГДУ Охрид.
- Години наназад слушаме како ќе се реши проблемот со стрелиштето Мауцкер. Народот памети од времето на ДПМНЕ како ќе правеа индустриска зона и ред други фамозни проекти предвидени за овој дел, но исходот го знаете и го гледате. Од друга страна пак СДСМ немаше да дозволи да никне депонија, но и тоа го знаеме и го гледаме во што се претвори. Свесно го труете народот и немате ни трошка срам, а сега се ближат избори, па повторно ќе ветувате брда и долини. Доволно му угодувате на вашиот коалиционен партнер и го оправдувате тоталното безредие. Години наназад власта како да служи само за да му угоди на ДУИ и ултра популарниот советник, велат од ГДУ.
Од ГДУ бараат да престане неодговорното однесува и како што велат, свесно да се труе народот. Вие сте соучесници во создавањето на дивите депонии и уништувањето на градот. А за тоа е сведоштво стрелиштето Мауцкер, за кое предвидувавте безброј проекти, но на крајот добивме дива депонија, додаваат од ГДУ.
OhridNews
