На средбата се разговараше за повеќе прашања, меѓу кои: состојбите во Охрид, неговите развојни планови, економските состојби и перспективи, можностите за привлекување германски фирми и инвеститори, како и проблемите на општината кои произлегуваат од процесот на децентрализација во Македонија.
Градоначалникот Петрески ја информираше Н.Е. за можностите на Охрид, во туристичката сфера и во областа на урбанистичкиот и економски потенцијал. Нејзината Екселенција, Амбасадорката Кноц, во разговорите и изјавата за медиумите го истакна интересот на Амбасадата на Германија за Охрид, како приоритетно прашање од аспект на неговите туристички, економски и други потенцијали.
Според Амбасадорката Кноц, еден од големите проблеми не само за Охрид,туку и за развојот на демократијата во Македонија, е застојот во децентрализацијата на власта бидејки тоа значи застој и во можностите за побрз развој на општините. Тоа е еден од големите испити за Македонија, истакна Амбасадорката Кноц, и потенцира дека интерес на Амбасадата е да го поврзе Охрид со германските компании и инвеститори.
