Со ктиторот, проф. д-р Ванчо Чифлиганец, ген. дир. на „Адора Инженеринг“, проф. д-р Валентина Божиновска, директор на Републичката комисија за односи со верските заедници и стручниот тим кој работи на црквата, Архиепископот г.г. Стефан и свештениците на МПЦ ја разгледаа петкуполната црква, висока 15 метри и ги дефинираа деталите околу изработка на финалните содржини и за поставување камбанарија и фонтана во нејзиниот двор.
Поглаварот на МПЦ г.г. Стефан изрази задоволство што и овој дел на Скопје, на кејот на реката Вардар, ќе добие црковен храм за задоволување на верските и духовни потреби на жителите на општината Аеродром, а ктиторот д-р Ванчо Чифлиганец очекува црквата да биде завршена и осветена до православниот празник Свети Јован Крстител, 19 јануари 2013 година.
Проектот вреден околу еден милион долари е дел од општествено одговорните практики на “Адора Инженеринг“ во општина Аеродром, Скопје, каде компанијата има најголеми инвестиции, со осум изградени елитни станбени објекти и два кои ќе почнат да се градат, а црковниот храм е дар за 700-те станари и нивните семејства, со што продолжува долгорочната стратегија за вложување во секоја општина, каде компанијата гради објекти во Македонија.
