Од осми до десетти мај во Охрид се одржа долго најавуваната манифестација на која продефилираа 1000 учесници иначе средношколци од цела Македонија.
Веднаш по добивањето на организацијата, Сојузот на училишниот спорт, Општината Охрид и Ј.П. Билјанини Извори се зафатија со работа и подготовки за што подобро преставување на Охрид.
Тоа им успеа бидејќи „Гимназијадата“ се одржа без никакви проблеми, сите дечиња беа згрижени и сместени, а падна во вода и митот за негостопримливоста на охриѓани.
Сите учесници на „Гимназијадата“ во Охрид имаа можност да се дружат со Наумче Мојсоски, кој беше амбасадор на игрите.
Тој неслучајно е избран за заштитно лице на охридската „Гимназијада“ бидејќи нема подобар пример за успешен спортист во Македонија за младите.
Кога на сето ова ќе се додаде спектакуларното отварање кое за момент учесниците ги внесе во Олимписката бајка охриѓани организараа „Гимназијада“ за паметење.
Михаил Постоловски
