Студиото за танц „Соната“, во центарот за култура „Григор Прличев“ го одржа традиционалниот годишен концерт на кој публиката имаше можност да ужива во интересен, мултимедијален настан, иновативни кореографии, уникатни костими, и специјални светлосни ефекти и визуелизации.
Годишниот концерт, насловен „Време е за танц“ беше составен од 15 различни кореографии во кои беа вклучени околу 250 членови на „Соната“.
Концертот ќе биде репризиран и денес, поради големиот интерес на публиката.
Студиото за танц „Соната“ постои веќе полни 13 години, а последниве 3 години функционира во рамките на Младинско културен образовен центар „Соната“.
