24-та Годишна конференција на Македонска берза ќе се одржи во Охрид во периодот од 25 до 27 септември на којa врвни експерти од Македонија и регионот ќе ги споделат своите знаења и искуства од индустријата.
Програмата ќе опфати презентации и дискусии на повеќе значајни теми како македонските и регионалните економски перспективи, можностите и предизвиците за IPO и раст на домашни компании, развојот на пазарот на капитал преку мултифондови и ЕТФ-ови, важноста на малите берзи, влијанието на ажурираните стандарди за финансиско известување и ревизија и трендовите во дигиталната трансформација на компаниите.
Воведни обраќања на конференцијата ќе имаат министерката за финансии Гордана Димитриeска Кочоска, претседателот на Комисијата за хартии од вредност Бујаре Абази и главниот и извршен директор на Македонска берза Иван Штериев.
OhridNews
