Предлог одлуките за усвојување на годишните извештаи за работата и материјално-финансиското работење на училиштата во општина Охрид, ќе се најдат пред советниците на седницата закажана во петок, 29-ти септември со почеток во 11 часот. Советниците ќе расправаат и за предлог одлуките за усвојување на годишната програма за работа на основните и средни училишта за учебната 2017/2018 година.
На деневен ред на седницата се и предлог одлуките за усвојување на измените и дополнувањата на програмата за одржување на јавна чистота за 2017 година,
измени и дополнувања на програмата за културни манифестации и творештво за 2017, измените и дополнувањата на развојната програма за изградба и реконструкција на локални патишта и улици 2017-2019 година, измените и дополнувањата на програмата за работа на Советот на општина Охрид за 2017 година, како и предлог одлуката за изменување и дополнување на Буџетот на единицата на локална самоуправа општина Охрид за 2017 година.
OhridNews
