На протестот се обрати струшкиот муфтија, Ферет Полиси кој во име на верниците побара јавно извинување од градоначалникот на Вевчани, затоа што не ги спречил антиисламските сценарија и затоа треба да поднесе неотповиклива оставка од функцијата.
– Бараме од министерството за култура да не поддржува вакви манифестации, бидејќи одвоените средства се и наши пари. Не дозволуваме да се злоупотребуваат на ваков понижувачки начин, рече муфтијата Полиси.
Муфтијата истакна дека целта на протестот е да се искаже револт до организаторите на вевчанскиот карневал со цел да се стпопираат ваквите испади.
На протестот се обрати и градоначалникот на општина Струга, Рамиз Мерко, кој истакна дека Струга е мултиетнички, мултикултурен град и град на толеранција и дека во иднина нема да се дозволи вакви испади да ја нарушат хармонијата и добрите меѓуетнички односи.
Протестот мина без проблеми, но можеа да се чујат навредливи пораки упатени кон Вевчани и христијаните. По завршување на протестот толпата мирно се разотиде.
