По повод Денот на независноста, 8-ми Септември, плажата „Cuba Libre” подготви празнично изненадување за посетителите. Во понеделник, цените на пијалаците, специјалитетите и другите услуги на плажата ќе бидат пониски за 20 проценти во текот на целиот ден, a празничната забава со најубавиот поглед на Охрид ќе биде надополнета со денска журка на извонредните Богдан и Огнен, кои ќе го изведат познатото бит-бокс шоу „Слушајте македонска музика“. Почетокот е закажан за 14 часот.
Вистинска празнична атракција подготвуваат членовите на „Paragliding tandem flights“, кои ќе се обидат да слетаат на платформата од плажата, каде ќе биде поставено големо државно знаме.
“Cuba libre” деновиве ќе биде епицентар и на денс забавата. Познати танчерски имиња од неколку држави ќе бидат дел од првото издание на „Ohrid Dance Festival“, кој ќе се одржи од 12-ти до 14-ти септември на плажата “Cuba libre” во Охрид.
Според најавите фестивалот ќе обезбеди одлична забава за сите учесници, која ќе трае од раните утрински до доцните вечерни часови. Покрај одличната музика, танцот и забавите ќе биде организирана и обука за танц. Учесниците ќе може да ги научат танцовите чекори на Салса Кубана, Салса Руеда Де Казино, Бачата, Доминиканска Бачата, Бачатанго, Танго, Афрорумба, Зоук, Кизомба, Регетон, Ча-ча и уште многу други стилови.
OhridNews
