Од ноќеска на полноќ горивата во Македонија ќе се продаваат по нови, повисоки цени. Бензините поскапуваат за два, а дизелот за 2,5 денари, одлучи Регулаторната комисија за енергетика.
Еуросупер- 95 ќе чини 61 денар за литар, Еуросупер-98 ќе се продава за 62, а МБ-96 за 64 денари за литар. Новата цена на Еуродизелот изнесува 47 денари за литар, а Екстра лесното гориво за домаќинство, ќе се продава по цена од 36 денари за литар. Се зголемува и цената на мазутот М-2, кој сега ќе се продава за 23,6 денари за килограм.
Како причина за зголемување на малопродажните цени на горивата се наведува растот на цената на суровата нафта на светскиот пазар.
Ohridnews
