Поранешниот репрезентативец на Македонија, Гоце Толески во лаунџ барот „Кадмо“ го гледаше премиерниот натпревар на јубилејното 20-то издание на Светското првенство.
– Ќе не очекува доста интересен Мундијал. Има неколку селекции кои можат да дејствуваат од сенка, а можеби се рамо до рамо со останатите фаворити. Секако дека тука на врвот е Белгија, па Хрватска, а и некоја селекција од Јужна Америка може да изненади. Очекувам некое изненадување бидејќи често се случуваат на вакви големи натпреварувања – истакна Толески.
Португалската селекцијата предводена од Кристијано Роналдо е фавориот на Толески. Симпатиите на Толески „селесао“ ги освои со напаѓачката игра и решителноста во неа.
– Португалија е мој фавориот и навивам за нив. Тие имаат голема решителност во играта што го немаат повеќето селекции на Мундијалот. Секако дека покрај нив исто така сакам да следам Германија, Шпанија и Бразил, кој е во најголема предност поради домашната публика – заврши Толески.
Мх.П.
