Градоначалникот на Охрид, Александар Петрески со почетниот удар од центарот го отвори турнирот во мал фудбал “Охрид куп 2013“. На турнирот во организација на охридската фудбалска школа “Академија Пандев“ учество зедоа 14 екипи од сите градови низ Македонија и две фудбалски школи од Србија и Албанија.
– За многу кратко време во Охрид се организираа два масовни и квалитетни турнири. Морам да ги поздравам сите фудбалски школи, а посебно за родителите кои одделија време во зимскиот распуст да ги пуштат своите деца да учествуваат на турнирот во Охрид. На фудбалските школи им посакувам многу работа,а на дечињата успех и голови на турнирот – потенцираше градоначалникот Петрески на отварањето на турнирот.
Првиот круг натпревари од турнирот “Охрид куп 2013“ се играат денеска додека вториот круг и финалните мечеви на програмата се в петок.
Мх.П.
