Гласањето на првите внатрепартиски избори во земјата што денеска ги спроведува владејачката СДСМ е во тек.

Во Охрид тоа се одвива на 9 избирачки места, каде правото на глас го изразуваат дел од вкупно 69.000 регистрирани членови на СДСМ во целата земја.

Своето право на глас го искористи и градоначалникот на Охрид Константин Георгиески. Непосредно по гласањето тој на својот Фејсбук профил напиша дека СДСМ се менува, расте и победува.

Со задоволство го остварив правото да гласам на првите внатрепартиски избори за избор на претседател на СДСМ.  Изборите се во тек и се спроведуваат со почитување на сите здравствени протоколи. Денешните избори се врв на демократијата во една политичка партија и токму СДСМ е прва во позитивните промени. – напиша Георгиески.

Гласаше и претседателката на градскиот совет Живка Ангелоска, како и пратениците во Собранието Лазе Таневски и Жаклина Лазаревска.

  • СДСМ е предводник на промените. Денешните избори се врв на демократијата во една политичка партија. СДСМ се менува, СДСМ расте, СДСМ победува!
    Жаклина Лазаревска
  • Ми претставува огромна чест и задоволство што СДСМ уште еднаш покажа што значи демократијата и ми овозможи да го искористам правото како горд социјалдемократ да гласам на првите внатрепартиски избори за избор на претседател на СДСМ. СДСМ е предводник на промените!
    Лазе Таневски

Единствен кандидат за претседател на првите внтарепартиски избори во СДСМ е актуелниот лидер Зоран Заев, а членовите гласаат со „За“ и „Против“.

OhridNews