Градоначалникот на Охрид Александар Петрески и претседателот на Советот Душко Јаковчески, со заедничко соопштение на верниците од православна вероисповед им го честитаат големиот христијански празник Воскресение Христово- Велигден.
– Нека ни е среќен и бериќетен големиот христијански празник Воскресение Христово – Велигден и нека ги испони со божја радост и љубов нашите домови и светите црковни храмови. Во ова време на наплив на минливи вредности, не смееме да го заборавиме патот кон иднината и да ги афирмираме заедничките вредности ,вдахновени од примерот на Христа. Во овие празнични денови на граѓаните на Охрид и неколкуте илјади туристи, им посакуваме среќа, радост, здравје и добро празнично расположение – се вели во заедничката честитка на градоначалникот Александар Петрески и председателот на Советот Душко Јаковчески.
