Градоначалникот на општина Дебарца, Игор Трајкоски, деновиве оствари средба со жителите од селото Ботун, во рамките на агендата за посета на месните заедници во општината.
Трајкоски истакна дека во постапка е асфалтирање на улици низ населените места во општина Дебарца, а во завршна фаза е проектната документација за проблемот со водоснабдувањето, кој жителите од Ботун го имаат со години.
Тој додаде дека во овој проект, предвидена е реконструкција на цевководната мрежа низ селото и каптирање на дополнителни извори со цел зголемување на дотокот на вода во домаќинствата.
OhridNews
