Во текот на вчерашниот ден, градоначалниците на општина Дебрца и Демир Хисар, Игор Трајкоски и Љупчо Блажевски, заеднички ги пречекаа комитите од Здружението „Христо Узунов“, на Илинска Планина кај „Илинска Црква“.
Тие ноќта ќе ја поминат во конаците на „Илинска Црква“, а својот марш ќе го продолжат кон славното Крушево на Мечкин Камен, каде ќе учествуваат на прославата по повод од 110 гдишнината од Илинденското Востание.
Во неделата, со света литургија во парохиската црква „Св. Тројца” и пригодна свеченост на која присуствуваа градоначалникот на Охрид, Никола Бакрачески, претставници на општинскиот Совет и жители на населбата “Радојца Новичиќ”, членовите на Здружението на граѓани “Христо Узунов” беа испратени на традиционалниот Илинденски марш.
OhridNews
