Од 25- ти декември па се до крајот на март ќе трае татилот на охридската пастрмка, период во кој охридската ендемична пастрмка се движи од длабината на езерото спрема неговата обала, односно литоралот и сублиторалот од езерото со цел да се изврши нејзино природно мрестење. Поради тоа, во овој период е неопходно да не се вознемирува или изловува, со цел природно или вештачки да се измрести и поново матиците живи да се вратат и опстојуваат во Охридското езеро.
– Само на овој начин ќе се создадат услови да се воспостави контакт меѓу Охридската пастрмка и плашицата, која пастрмката ја користи во исхраната за создавање репродуктивни органи, објаснува независниот екологист Лазо Наумоски.
Тој апелира до граѓаните да ја покажат својата еколошка одговорност во заштитата на нашиот најголем природен екосистем и неговата флора и фауна.
OhridNews
