На еден ден до завршувањето на рокот за откуп на дворно земјиште, во одделението за имотно- правни работи во Охрид се бележат рекордни броеви на поднесени барања од страна на граѓаните. Вработените преголемиот број барања не се во можност детално да ги прегледуваат, па засега се ставаат само броеви на предметите кои подоцна ќе се проверуваат, со цел да се утврдат потребните документи кои дополнително треба да бидат доставени од страна на граѓаните.


Граѓаните револтирано коментираат дека оваа законска обврска е големо оптоварување за нив, како од финансиски аспект, така и во однос на тоа што со денови треба да се шетаат по канцеларии земајќи ги потребните документи. Меѓу нив,  задолжително  е да се набави геодетски елаборат за кој треба да се платат околу 6. 000 денари. За да си ги сочуваат своето време и нерви, граѓаните со подлабок џеб се одлучуваат да ангажираат адвокат кој ќе ги обзебеди потребните документи за откуп на дворно земјиште.
 
Граѓаните до истекот на рокот можат само со лична карта  да пополнат и поднесат барање, а потоа дополнително ќе можат да  ја достават комплетната документација.

Министерството соопштува дека нема да се пролонгира рокот, но по истекување ќе се направат анализи и доколку има потреба ќе се разгледа и таа можност.

Т. К.