Воспоставувањето на еднакви можности на жените и мажите, на локално ниво, е главната цел на малите грантови, кој УНДП, догодина, ќе ги доделува на oпштините. Ова е дел од проектот за „Поддршка на Комисиите за еднакви можности за жените и мажите, во единиците на локалната самоуправа “, кој се спроведува во соработка со Министертвото за труд и социјална политика.
Во Јавниот повик, кој беше објавен деновиве, се вели дека сите заинтресирани Oпштини кои ќе сакаат да аплицираат за овие грантови, ќе треба да изготват проект за родова рамноправност и да го достават до УНДП, најдоцна до 11 јануари. Предложените проекти треба да бидат дел од Локалните акциски планови за родова рамноправност, додека нивното спроведување, треба да биде иновативно и со оддржливи резултати. Секој грант поддржан преку овој повик, не смее да ја надмине сумата од 3.000 американски долари, а поддржаните активности треба да се спроведат најдоцна до 15 април 2010 година.
Општините кои се заинтересирани да аплицираат на овој Повик, подетални информациии и упаства ќе може да добијат во Проектната канцеларија на УНДП во Скопје или да на веб страницата www.undp.org.mk.
