Главните грчки синдикати повикаа за спроведување на генерален штрајк на 1 декември против „суровите и неправедни“ мерки за штедење, планирани од новата влада, јави агенцијата Франс прес.

„Владата се смени, но неправедното и неефективното управување не се промени воопшто“, се посочува во изјавата на синдикатот, кој го претставува грчкиот приватен сектор.

Вториот најголем синдикат, што ги претставува правата на вработените во државниот сектор, потврди дека ќе се придружи на штрајкот, кој е шести по ред генерален штрајк во Грција од почетокот на годината.

OhridNews
извор: Makfaks