Купишта ѓубре, градежен шут и исушени гранки, го нагрдуваат просторот на улицата ,,Гоце Делчев”, наспроти ,,Воска Амам” во Охрид. Депонијата се наоѓа во дворот на напуштена куќа, која е пред распаѓање. Охриѓани кои живеат во овој дел на градот, велат дека куќата прераснала во ѓубриште поради нерешени имотно правни односи.


-Не знаеме кој  е сопственик на овој објект, мислам дека парцелата беше некој предмет на денационализација, но немаме разбрано дали таа се спроведе. Оваа слика ни пречи и апелираме до надлежните што побрзо да го решат овој проблем, вели охриѓанец кој живее во непосредна близина на руинираната куќа.


Инаку неодамна од Комуналниот инспекторат при Општина Охрид информираа дека имаат изготвено решенија за уривање на 37 руинирани објекти лоцирани низ населбите Варош, Месокастро и Кошишта и најавија дека пред почетокот на ова лето ќе организираат уште една акција за рушење на овие објекти, кои го нагрдуваат Охрид.

OhridNews