Изминатиот викенд На падините на планината Галичица и во Охрид се одржа седмото издание на планинската ултрамаратонска трка Охрид Ултра-Треил. Настанот годинава вклучи пет трки по планински терени, со стартни позиции од различни делови на Националниот парк Галичица и заеднички финиш на градскиот плоштад во Охрид.
Во трките на 85 км, 45 км, 42 км, 21 км и 10 км учествуваа вкупно 650 натпреварувачи од 42 земји. Тие имаа можност да уживаат во пролетната убавина на националниот парк и охридскиот регион.
Поради неповолната временска прогноза, организаторите активираа резервни патеки, со што најдолгите делници беа скратени од 105 на 85 км и од 65 на 45 км. Останатите трки (42, 21 и 10 км) се одвиваа по предвидените рути.
Охрид Ултра-Треил (85 км скратена рута)
Мажи:
- Теодорос Зиакас (Грција) – 09:37:09 (првопласиран и рекордер од минатата година)
- Иван Мукоски (Србија) – 10:30:33
- Станислав Когут (Полска) – 10:31:36
Жени:
- Натали Капцалова (Чешка) – 11:28:59
- Ивана Најдовска (Македонија) – 11:52:00
- Ивана Ценерич (Србија) – 12:18:58
Галичица Ултра (скратена верзија 45км)
Мажи:
- Александар Стојкоски (Македонија) – 04:05:27
- Ангелос Алексиу (Грција) – 04:28:37
- Антонио Каранфилоски и Златко Карчески (Македонија) – 04:38:15 (делба на третото место)
Жени:
- Фелине Маистер (Германија) – 04:54:54
- Вера Урдаревска (Македонија) – 05:06:11
- Елеонора Димковска (Македонија) – 06:02:28
На трката Самотска Треил Маратон (42 км)
Мажи:
- Алек Страм (Швајцарија) – 03:35:36
- Лампрос Факитсас (Грција) – 03:37:11
- Борче Христов (Македонија) – 03:37:29
Жени:
- Николета Попович (Србија) – 04:18:25
- Милуша Бошкович (Црна Гора) – 05:12:31
- Нејла Ејрисе (Турција) – 04:40:11
На Летница Треил (21 км)
Мажи:
- Сашо Богојевски (Македонија) – 02:01:01 (нов рекорд)
- Златко Николов (Македонија) – 02:08:58
- Петар Трајковски (Македонија) – 02:12:41
Жени:
- Елена Каранфилоска (Македонија) – 02:13:15 (нов рекорд)
- Луциа Маистер (Австрија) – 02:21:18
- Бојана Костадинова (Македонија) – 02:27:36
На Рамне Треил (10 км)
Мажи:
- Симон Калановски(Македонија) – 00:49:40
- Тони Цветкоски (Македонија) – 00:50:13
- Александар Мирчевски (Македонија) – 00:53:48
Жени:
- Петја Кантарева (Бугарија) – 00:49:40
- Александра Оровчанец (Македонија) – 00:50:13
- Јана Баткоска (Македонија) – 01:00:52
Јуниорска категорија (10 км)
Мажи:
- Илија Јанкуловски (Македонија) – 00:56:32 (нов рекорд)
- Марко Перунковски (Македонија) – 00:58:36
- Лео Коулерие (Франција)– 01:00:58
Жени:
- Сара Секулоска (Македонија) – 01:00:35 (нов рекорд)
- Илијана Димитровска (Македонија) – 01:08:36
Трката Галичица Ултра оваа година беше и изборно првенство во СкајУлтра дисциплината при скајранинг комисијата и победниците од Македонија во машка и женска конкуренција ќе имаат можност да ја претставуваат нашата држава на понатамошните Европско и Светско првенство во Скајранинг.
Охрид Ултра-Треил е препознатлив мултинационален спортски настан кој веќе седма година се одвива под отворено небо, со учество на тркачи од целиот свет и претставува вистински магнет за спортисти, рекреативци и авантуристи. Организаторите – спортските здруженија Трекс од Скопје и Топ Адвенчрс од Охрид – оваа година дополнително организираа и спортски саем – Експо, кој се одржа на 23 мај во салата Билјанини Извори.
Фото галерија:
OhridNews
Фото: Охрид Ултра-Треил
