Mакедонија ќе игра во група со Грција, Турција и Исланд во квалификациите за Европското првенство во 2020 година, ждрепка со која можеме да бидеме задоволни, и која секако ќе предизвика интерес поради двомечот со грчката репрезентација.
Македонија првпат беше носител во една ждрепка за квалификациите за ЕП, а помогна и тоа што ЕХФ реши од следното ЕП да има 24 учесници.
За пласман на ЕП ќе биде потребен пласман на едно од првите две места, додека и три третопласирани репрезентации одат на шампионатот. Шпанија, Австрија, Шведска и Норвешка се директно пласирани. Квалификациите почнуваат во октомври.
Групите:
Група 1: Израел, Полска, Германија, Косово
Група 2: Швајцарија, Србија, Хрватска, Белгија
Група 3: Турција, Исланд, Македонија, Грција
Група 4: Летонија, Холандија, Словенија, Естонија
Група 5: Босна и Херцеговина, Чешка, Белорусија, Финска
Група 6: Литванија, Португалија, Франција, Романија
Група 7: Словачка, Русија, Унгарија, Италија,
Група 8: Украина, Црна Гора, Данска, Ф. Острови
OhridNews
