На средбата одржана помеѓу македонскиот премиер Никола Груевски и претседателот на Јапонската агенција за меѓународна соработка, Садако Огата, од страна на македонскиот премиер била пренесена подготвеноста на македонската страна за зголемување на меѓусебната соработка, пред се во однос на два нови инфраструктурни проекти кои ќе придонесат за ублажување на климатските промени и заштита на животната средина преку искористување на поволните услови за финансирање од страна на Јапонската официјална развојна програма за кои Република Македонија ги исполнува квалификационите услови.
Во тој контекст, премиерот Груевски ја информирал Огата дека македонската страна е подготвена да предложи два проекти, и тоа проект за модернизација и доизградба на колекторскиот систем околу Охридското Езеро кој има за цел подобрување на еколошката заштита на охридскиот езерски регион и проектот за модернизација на ТЕЦ Битола кој има за цел намалување на емисиите на штетни гасови во воздухот согласно ЕУ стандардите.
Вкупната вредност на двата проекти се проценува дека изнесува нешто над 100 милиони евра и во следниот период ќе следуваат консултации за утврдување конкретни чекори за нивна операционализација.
OhridNews
