Претседателот на владата на Република Македонија Никола Груевски во неделата ја повредил левата нога додека реакреативно трчал, поради што во наредните две до три недели ќе ги редуцира своите активности, пренесува „Макфакс“.
Канцеларијата на претседателот на Владата ја информира јавноста дека при спортска активност – џогинг (спринт) во близина на неговото место на живеење премиерот Никола Груевски го повредил горниот дел на левата нога, поточно адукторната регија.
Преземени се сите дијагностички и терапевтски процедури за ваквиот вид на повреда, препорачана е медикаментозна терапија и рехабилитација со намалување на физичките и спортски активности.
Се очекува повредата да биде санирана во период до три недели по препорачаната терапија, а во меѓувреме премиерот Груевски ќе ги редуцира своите активности, се вели во соопштението.
OhridNews
