Марио Ѓуровски нема да го напушти ФК Војводина и во наредната сезона ќе остане да ги брани црвено-белите бои на новосадскиот тим. Тој и голманот Жељко Бркиќ добија можност да го напуштат клубот, но обајцата својата иднина ја гледаат во клубот.
Македонскиот репрезентативец што ја освои новосадската публика нагласи дека е фокусиран само на настапите во Војводина.
– Од стартот на подготовките и во преодниот рок, сум смирен и размислувам само за Војводина. Имам уште една година од договорот и целосно сум посветен на клубот. Ќе биде тешко да ги надокнадиме заминувањата на Тадиќ и Мрѓа, но без разлика на се’ Војводина мора да се бори за трофејот – вели офанзивниот игра за врска.
Играчот за врска беше поврзуван со грчката Кавала, каде тренер е Србинот Драган Окука. Претходно интерес за него покажаа и Баер Леверкузен и полска Висла.
Со гол и асистенција синот на прославениот Милко Ѓуровски дебитираше за македонската репрезентација на мечот со Азербејџан при победата од 3-1. Тој се најде на списокот на селекторот Јонуз за пријателскиот натпревар со Малта.
М.П.
