Барселона со реми 2-2 во Севиља, против Бетис ја заврши сезоната во Примера Дивизион. “Блауграната“ поведе со голот на Бускетц. Домаќините од 70-та до 75-та минута го изедначија резултатот и успеаа да дојдат во водство со “парот“ на Кастро.
Со гол во последните мигови од мечот, Кеита донесе реми на последниот натпревар за Гвардиола, во Примера. Вицепрвакот во “Ла Лига“, Барселона од 53-та минута остана со фудбалер помалку откако десниот бек заработи втор жолт картон автоматски црвен.
– По исклучувањето на Алвеш, тешко ја контролиравме играта. Домаќините постигнаа два брзи гола, но ние имавме среќа и Кеита постигна гол за нерешен исход – потенцираше Гвардиола и додаде – Ова беше мој последен натпревар во “Ла Лига“, мислам дека на никој нема да му недостасувам. Времето ќе помине и луѓето ќе заборават на мене, но се надевам дека сите ќе се сеќаваат на добро време – заврши Гвардиола.
Тренерот на Барселона, Гвардиола последниот натпревар на клупата од “блауграната“ ќе го има во финалето од Копа Дел Реј против Атлетик Билбао.
Мх.П.
