УЕФА со допис ја информираше ФФМ дека е поведено обвинение против ФК Победа, претседателот на клубот и еден од играчите за нарушување на интегритетот и спортското однесување на натпреварот со ФК Пјуник (Ерменија) одигран на 13. Јули 2004г.Комисијата за внатрешна контрола и комисијата за дисциплина при УЕФА за овој случај ќе се произнесат на 17. Април.УЕФА во дописот бара ФФМ да обезбеди изјави од ФК Победа и претседателот на клубот.
– Денеска добивме информација за активностите на УЕФА и ние како федерација ја подржуваме оваа истрага со цел да биде завршена во целост. ФФМ ќе ги почитува сите дисциплински одлуки и препораки за реакција од наша страна се разбира во согласност со актите и Статутот на ФФМ.По добиениот допис лично контактирав со одговорните на УЕФА и добив информација дека истрагата е поведена врз база на пријава на новинари од Македонија кои ќе бидат повикани како сведоци за расчистување на случајот. Секоја друг коментар во однос на овој случај е преуранет бидејќи се работи за натпревар во организација на УЕФА и ќе го причекаме конечниот став на УЕФА – изјави Хаџи Ристески на официјалната страна на ФФМ.
