По повод Светскиот ден на децата, невладината организација “Карабеј Махале” од Охрид на плоштадот Чинар, во четврток, 23-ти април, во периодот од 11:00 до 13:00 часот ќе организира детска забава.
Со своја програма ќе учествуваат децата од турската група од детската градинка “Јасна Ристеска” – Охрид, како и учениците од ОУ “Братство Единство” – Охрид кои наставата ја следат на турски наставен јазик.
Во случај времето да е врнежливо, манифестацијата ќе се одржи во салата на ОУ “Братство Единство” – Охрид, информираат од Здружението на граѓани „Карабеј Махале“ – Охрид.
Ohridnews
