Холандскиот тренер Гус Хидинг потпиша двегодишен договор со Фудбалскиот сојуз на Турција, јавија денеска турските медиуми.Хидинг ќе го замени поранешниот тренер на турската репрезентација Фатих Терим кој поднесе оставка бидејќи не успеа да го однесе својот тим на Светското првенство во Јужна Африка.
Холанѓанецот во моментов е селектор на репрезентацијата на Русија, а договорот му истекува на 30 јуни.
Хидинг ја предводеше Русија во полуфиналето на Европското Првенство во 2008 година, но руската репрезентација не успеа да се пласира на Мундијалот во Јужна Африка.
Хидинг досега беше тренер на селекциите на Холандија, Јужна Кореја и Австралија, како и на клубовите ПСВ Ајнховен, Валенсија, Реал Мадрид и Челси.
Ohridnews
Copyright 2010 makfax. Сите права се задржани. Текстов не смее да се печати или емитува, во целина или во делови, без договор со макфакс.
