Рој Хоџсон, менаџерот на Вест Бромвич Албион (ВБА), би можел да биде новиот селектор на фудбалската репрезентација на Англија. Хоџсон, имаше средба со челниците на англиската федерација (ФА).
Потегот на ФА е изненадување за сите, бидејќи како главен фаворит за наследник на Фабио Капело се сметаше менаџерот на Тотенхем, Хари Реднап.
Рој Хоџсон со ВБА има договор кој истекува на крајот на оваа сезона, инаку, 64-годишниот тренер во кариерата бил селектор на Швајцарија, Финска и Обединетите Арапски Емирати.
Кога во 1992 година ја презеде Швајцарија, стана прв селектор на оваа репрезентација кој во својот мандат забележал повеќе победи од порази. Тој со Швајцарија избори пласман на Светското првенство во 1994 и Европскиот шампионат во 1996.
Ohridnews
