Граѓаните кои живеат во населбте ,,Христо Узунов”, ,,Крабегомала’’ и ,,Горна Влашка Мала’’ во сабота на 9-ти јуни, ќе може да се ослободат од својот кабаст отпад и да го предадат на комуналните служби. Во акција за подигање на кабаст отпад ќе може да се одложат стари душеци, теписони, остатоци од мебел и покуќнина, бела техника и слично.
Од Ј.П. ,,Охридски Комуналец” ги информираат граѓаните кои живеат на споменатите делови од градот доколку имаат ваков отпад да го извадат најдоцна до 10 часот и претходно да го пријават во Р.Е. ,,Механизација” на тел.046/265-353, при што треба да ја наведат локацијата, за да можат службите благовремено да го подигнат отпадот.
Според планираното во наредниот период вакви акции ќе се спровeдат и во населбите ,,Воска’’, ,,Даљан’’ , ,,Видобишта’’ и ,,Црногорци’’.
OhridNews
