По двата меча без победа, “портокаловата“ експедиција во Полска и Украина е пред елиминација. Поранешниот македонски репрезентативец, а сега тренер на Металург, Ѓорѓи Христов, смета дека Холандија е најнепријатното изненадување на шампионатот.


– Не се сеќавам кога последен пат толку рано испаднала Холандија, која во секој случај е најголемо непријатно изненадување. Јасно беше што во таа група дека нема аутсајдери, а според досега прикажаното Холандија не заслужи да оди понатаму – вели Христов, и додава


– На ова  првенство победува фудбалот. Репрезентациите кои прават шанси кои креираат прилики, ќе одат многу далеку. Се работи за крај на фудбалска година, фудбалерите се заситени од сите натпреварувања, уморени од сите тие мечеви, а кога си заморен паѓа концетрацијата и затоа видовме неколку спектакуларни промашувања.

Христов во Охрид заедно со тимот на Металург се подготвува за мечевите од Лига Европа, како и секој спортски работник во Македонија е оптимист, но потенцира дека во моментов сме многу далеку од ваков собир.


– Дај боже да ја видиме Македонија на ЕП, јас сум оптимиста, посакувам, тежнеам, но во моментов тоа е многу тешко. Но сите ние кои се занимаваме со фудбал живееме за тоа еден ден една генарација фудбалери да ја одведат “црвено-жолтата“ чета до едно големо натпреварување -завршува Христов.

фото Емилио
М.П.