Кошаркарите на Колибри првата полусезона во Третата лига ја поминаа со “четврта“ брзина. После десет одиграни рунди “белите“забележаа шест победи, претрпеа четири порази и со 16 бодови се пласираа на четвртата позиција. Со победата над Про Баскет (71-58), избраниците на Балазоска ја прекинаа лошата серија од три порази.
– Добро е што имаме позитивен скор на полусезона. Екипата поседува голем капацитет, се надевам дека во вториот дел ќе го искористиме и ќе стигнеме до втората позиција која не води во Втората лига – потенцираше високото крило на Колибри, Иво Христовски.
Колибрите во името на Иво Христовски добија лидер во тимот. Во досегашниот тек од првенството е најдобар стрелец. – Епитетот најдобар стрелец, е заслуга на целата екипа, не само моја. Подготвен сум да “изгинам“ за тимот и да одговорам на предизвиците кои не очекуваат во остатокот од шампионатот – заврши Христовски.
Во наредната 11-та рунда од третата лига Колибри на домашен тере го пречекува осмопласираниот Феникс 2010.
Мх.П.
