По еко патролата минатиот викенд, охридскиот велоспипедски клуб “З`ш Точак“ в недела ќе вози хуманитарна тура на релација Охрид – Дебар- Охрид, со вкупна должина од 130.7 километри.
– Оваа тура ќе биде од хуманитарен карактер по повод денот на здравјето ќе возиме за здравјето на Илија, а на враќање од Дебар ќе присуствуваме на Хуманитарниот концерт во Центарот за култура кој почнува во 19 часот – потенцираат од клубот.
Стартот на турата е во 8:30 пред Вила Милка. Од клубот ги потсетуваат дека сите заинтересирани учесници мора задолжително да поседуваат: заштитна кацига , технички подготвен велосипед, резервна гума и алат, и добро расположение.
Учесниците на турите учествуваат на сопствена идговорност и должни се да го почитуваат Законот за безбедност во сообраќајот и пријателски да се однесуваат кон природата. Малолетните учесници на турите може да земат учество само со знаење и одобрение на нивните родители, старатели, посочуваат од клубот.
Ohridnews
