И оваа година, роденденот на големиот хуманист, Тоше Проески, општинскиот Црвен крст ќе го одбележи со организирање на традиционалната хуманитарна забава. Под мотото ,,Со Тоше во срцата, со љубов кон децата”, забавата ќе се одржи вечерва во ноќниот клуб Арена.
Предвидено е најмладите да се забавуваат од 18 часот и 20 минути, а повозрасните од 21 часот. Најавено е учество на повеќе естрадни уметници од Охрид и Македонија, а можност да изведат композиции од Тоше ќе имаат и музички талентираните сограѓани.
– Преку песните на Тоше и сеќавањето на неговите хумани дела, да ги поттикнеме чувствата на хуманост кај нашите сограѓани за масовно да ја поддржат оваа хуманитарна активност, велат од Црвениот крст.
OhridNews
