Граѓанското движење ОПЕМ и невладината „Светла Иднина“ испратиле официјално барање до претседателот на Собранието на Република Македонија Трајко Велјаноски, на некоја од наредните седници, како посебна точка на дневниот ред, да се расправа за востановување Ден на Египќаните во Македонија.
Според Демир Далип од ОПЕМ, ова е крајно легитимно барање на Египќаните.
-Покрај многуте празници и денови на другите етнички заедници, Египќаните се чувствуваат отфрлено и запоставено во сопствената татковина. Имаме природно право на свој ден, кога веќе имаат и другите, кои прославите ги злоупотребуваат за испраќање политички пораки. Ако вака се продолжи, Египќаните ќе се претопат во други етнички заедници, да бидам директен, мислам на Албанската и Ромската етничка заедница, истакна Далип.
За правата на Египќаните, претставниците на оваа етничка заедница најавија дека ќе го запознаат претставникот на ОБСЕ во Македонија, Кнуд Волебек.
OhridNews
