Роџер Федерер нема да учествува на Мастерсот во Мадрид, бидејќи сакал да биде со својата бремен сопруга Мирка, објави швајцарскиот тенисер на својот Фејсбук профил.
„Решив да не учествувам на турнирот во Мадрид. Сакам да бидам со сопругата во овие неколку недели кои се возбудливи за нашето семејство. Им се извинувам на навивачите и се надевам дека ќе се вратам во Мадрид следната година. Ќе тренирам во близина на мојот дом, наскоро ќе се вратам на терените“, соопштил Федерер.
Швајцарецот оваа сезона игра добро, го освои турнирот во Дубаи, а играше во финалните мечеви во Бризбејн, Индијан Велс и Монте Карло.
Покрај Федерер, Мастерсот во Мадрид, поради повреда на зглобот на десната рака, ќе го пропушти и Новак Ѓоковиќ.
„Макфакс“
