И оваа сабота од 10 до 15 часот тестовите за можни
деформитети на мускулно-скелетниот систем кај децата ќе бидат бесплатни во студио Кинезио. Заинтересираните родители можат да закажат преглед за своите деца и да се консултираат со стручни лица за нивното здравје.
-На претходните прегледи повеќе од 40
деца беа тестирани. За жал процентот на деца со
деформитети и проблеми на мускулно-скелетниот систем е многу голем, велат од Студио Кинезио.
Деформитети на рбетниот столб, градниот кош,нозете,
стапалата и мускулатурата се чест проблем на денешните деца на возраст
од 7-8 години до 15-16 години. Неправилното држење на телото, малата
спортска активност, компјутерите, неправилниот од, се дел од причините кои влијаат на неправилниот раст кај децата.
Студио Кинезио се наоѓа на ул. „Даме Груев 57“.
